Tuesday, November 26, 2013

(Armaghan-e-Hijaz-04) (عالم برزخ) Alam-e-Barzakh






Alam-e-Barzakh
 
Murda Apni Qabar Se
 Kya Shay Hai, Kis Amroz Ka Farda Hai Qayamat
 Ae Mere Shabistan-E-Kuhan ! Kya Hai Qayamat? 
 
 Qabar
 Ae Murda’ay Sad Sala ! Tujhe Kya Nahin Maloom?
 Har Mout Ka Poshida Taqaza Hai Qayamat !
 
Murda 
 Jis Mout Ka Poshida Taqaza Hai Qayamat
 Uss Mout Ke Phande Mein Giraftar Nahin Main
 
Har Chand Ke Hun Murda’ay Sad Sala Walekin
 Zulmat Kudda’ay Khak Se Bezaar Nahin Main
 
 Ho Rooh Phir Ek Bar Sawar-e-Badan-e-Zaar
 Aesi Hai Qayamat To Kharidar Nahin Main
 
  Sada’ay Ghaib
 Ne Naseeb-e-Maar Wa Kuzdum, Ne Naseeb-e-Dawam Wa Dad
 Hai Faqat Mehkoom Qoumon Ke Liye Marg-e-Abad
 
 Bang-e-Israfeel Un Ko Zinda Kar Sakti Nahin
 Rooh Se Tha Zindagi Mein Bhi Tehi Jin Ka Jasad
 
Mar Ke Ji Uthna Faqat Azad Mardon Ka Hai Kaam
 Garcha Har Zee Rooh Ki Manzil Hai Aagosh-E-Lehad
 
Qabar (Apne Murde Se)
 Ah Zalim! Tu Jahan Mein Banda’ay Mehkoom Tha
Main Na Samjhi Thi Ke Hai Kyun Khak Meri Souz Naak 
 
 Teri Mayyat Se Meri Tareekiyan Tareek Tar
 Teri Mayyat Se Zameen Ka Parda’ay Namoos Chaak
 
Alhazar, Mehkoom Ki Mayyat Se Sou Bar Alhazar
 Ae Sarafeel ! Ae Khuda’ay Kainat ! Ae Jaan-E-Pak
 
Sada’ay Ghaib
 Garcha Barham Hai Qayamat Se Nizam-E-Hast-O-Bood
Hain Issi Aashob Se Beparda Asrar-E-Wajood
 
 Zalzale Se Koh-O-Dar Urtte Hain Manind-E-Sihab
 Zalzale Se Wadiyon Mein Taza Chashmon Ki Namood
 
Har Nayi Tameer Ko Lazim Hai Takhreeb-E-Tamam
 Hai Issi Mein Mushkilat-E-Zindagani Ki Kushood
 
Zameen
 Ah Ye Marg-E-Dawam, Ah Ye Razm-E-Hayat
 Khatam Bhi Ho Gi Kabhi Kashmakash-E-Kainat ! 
 
Aqal Ko Milti Nahin Apne Button Se Nijaat
 Arif-O-Aami Tamam Band’ay Laat-O-Manaat 
 
  Khuwaar Huwa Kis Qadar Adam-E-Yazdaan Sifaat
 Qalb-O-Nazar Par Garan Aese Jahan Ka Sibaat 
 
 Kyun Nahin Hoti Sehar Hazrat-E-Insan Ki Raat?

0 comments:

Post a Comment